凌晨的旺角砵蘭街，一輛亮麗跑車呼嘯著，停泊在夜店前的霓虹燈箱下，從車內步出一個金髮紋身的＂社團大佬＂和一名打扮妖冶，一頭長髮也染成五顏六色的年輕女子，分別拿著手機，正在大聲講電話，夾雜著密麻麻的，與環境十分配合的粗言穢語。
這時，忽見兩旁閃出數名各拿著警察通訊器的便衣探員，匆忙向二人趨近。為首一人朗聲道：＂你就係‘洪興社’既陳浩男？＂
金髮男子聞聲一愕，面色頓時一沉，冷然答：＂我就係浩男哥，點呀，‘食屎狗’？＂
探員沉住氣亮出證件：＂我係旺角‘雜差房’刑事偵緝第二隊督察李修然，想請你番警署協助調查一宗本月十號發生o係女人街既嚴重傷人案！＂
浩男哥不禁冷笑了，十分不屑地：＂原來係咁，唔X好意思，阿叔而家好X忙，唔X得閒，麻X煩你聽朝同我秘書預約左先，係咁！＂說著一陣囂張大笑，便欲步離。
李修然忙上前伸手一攔：＂嗱，咪玩野呀，唔係就告多你一條阻差辦公……＂
＂呀，我真係好X驚呀！食屎狗，我X你老母呀！＂
李修然已凜然亮出手扣：＂信唔信我即刻‘塔’你？＂
＂你想‘大’我呀？＂浩男哥說著，向女友：＂細細粒，隻食屎狗想同我玩野，仲唔同我即刻call‘恆’馬黎同佢玩下？＂
那女子忙用手機打了個號碼：＂喂，大佬call你地晒馬，快X啲全部黎砵蘭街‘新樂記’門口！快馬！＂
探員們聞言不由面面相覷。
＂點X樣啦？係咪有啲‘慄’啦？＂浩男哥甚有氣勢地當街一站：＂食屎狗，你地知唔X知道，呢度每晚十二點鐘後，唔X到你地話事，係我話X晒事，隨時收你地皮都得呀！＂
＂你……＂
大約一分鐘後，只見人影憧憧，數十名古惑仔紛紛從各處氣勢洶洶地集結而來，把幾名探員惡狠狠地包圍住。
為首的punk友名叫＂火雞＂，乃是浩男哥＂頭馬＂，粗聲地：＂咩料呀大佬？＂
＂冇，有幾條食屎狗想同我玩野。＂
眾古惑仔齊聲大笑：＂收皮啦，食屎狗！仲唔快X啲番去食屎？＂
探員們正不知所措，這時，忽見街旁一家掛著大胸美女照片的夜總會升降機大門外，不知誰正在大洒冥錢，剛好一陣怪風吹過，冥錢隨即四散飄揚，有不少正落到眾人身上。
探員們忽然目瞪口呆地直盯著眾古惑仔，半晌，面色大變，神情古怪。
＂係係……你地話晒事……伙記，我地收隊……＂
李修然說罷，竟如喪家犬一般，匆忙招呼手下離開。
浩男哥得意狂笑：＂話左你地係食屎狗，即係食屎狗……＂
卻在此時，忽聽探員手上的警察通訊器剛好傳來話聲：＂各單位注意，砵蘭街山東街啱啱發生一單黑社會大規模械鬥，有幾十人死傷，收到既伙記即刻趕去支援……＂
浩男哥一怔，登時望向火雞：＂咩料……＂
然而，話才出口，不由呆住，全身一陣發慄──因為，他這才看見火雞和一眾他的＂靚＂們忽已都變成全身是血，面色陰沉的可怖模樣……
＂細細粒＂一聲尖叫，嚇得當堂昏倒在地上。
沒有留言:
張貼留言